Daafacul-balaayo, By: Abwaan Shakuul Gaax-nuug |
Jiilaal durraaqsaday wuxuu, nagu dangiigaaba Dabeyluhu waxay nala dhacaan, daafad iyo qiiqba kol un baa darxumadii la qabay, layska damiyaaye shinbirkaa durduursiya markuu, doogsi naawiliye cir diraaci soo daaran tahay, waa dugsiin jiraye Dayaxiyo shamsada oo kulmoo, daaqad wada jooga deegaantu labadaa markay, diilimmada saarto ebidkeed diraacduu hongaa, daaf-ku-dhiigluhuye durgufkiyo caddaadkii miyaa, nagu dul heehaabtay Diridhabatay maantana waxay, di'ise mooyeene Soo durugtay maandeeq sidii, deeqdi karameede iyadoo summado deel ah iyo, diinti Nabigii leh duleedkay ka reentaa hashii, loo ducayn jiraye Rabbi waxan durraansaday inaan, laban ka duugnaaye naga dabacsan lawyada wixii, nagaga duubnaaye dahaadhkii indhaha nooga jirey, nalaga sii daaye dib Allow ha noo celin adaan, kugu dacwoonnaaye Dal nimaan lahayniba wuxuu, degayey xaaraane doolqaad il baxay jeer danbuu, kugu dul maydhaaye daakhiliga waa laga shaqayn, dayrtan maanta ahe Ha lays wada dugsado waa intaan, daamurka u qoyne Dabku ku-dacalle doodnaar cayilay, dabata qawlaysan dul abaarre deyntiyo ku nool, duudsigiyo ceebta duqduu dhalayey way nagu jirtaa, duud abeesluhuye idinkaa Da' baasyahay kufriga, iiga sii darane Hadba nimanu daaraan nahaye, ima daqiijene cadaawaha na darandoorriyaad, daawo dhigateene Allahaydin doorshee sharcigad, mayl ka durugteene dawan baa iblays uga tumaa, meel dushoode ahe Dalka hooyo waydaan lahayn, dibad u joogtaane Dangayahaw haddaydaan ahayn, dir isla ceeboobey daa'imanba gaalada maxaa, idin dul gawriirshay digaday Sagaaradu dhigtay, dad is tiraahdaaye darkaan xidhaba waa maalintay, dooxi jirayeene Halkay doqontu awrka u waddaan, doo'da ka hayaaye nin xabaalo duugaan ahiyo, duulal baa ba'aye isku dagannay Soomaaliyey, daawashada guude hadba kii dajida soo cabbaa, haygu doob-dhabo e Duufaanka soo kacay haddaan, laga digtoonaanin daafucul balaayaha haddii, loo degdegi waayo dal kaloo la aadaba haddaan, keenna laga doolin dan baa tidhi haddaan looga tegin, daaqatiyo faafan meeshiyo Danaakilo haddaan, caydh la dalandoolin Hadday daasaskaa wada cammiran, duni ka laadlaado dergad haawan mooyee haddaan, daaqad laga waayin haddii anu waraabuhu dibbirin, dubur ku gaajooday dadkan diika-diikoon hadday, dooxatadu leefin dab nin haysta mooyee hadday, dacawo noolaato |
© All Rights Reserved aamaguul.com | Contact: webmaster@aamaguul.com | Designed by Mhmd aamaguul.