|
Hal iyo Halkiis HAL iyo HALKIIS, waa tix gaaban oo uu Abwaan Maxamed IBraahim Warsame (Hadraawi) ku sifaynayo arrimo ka mid ah ILaahay iyo awoodihiisa (SWT). Sidaa darteed mar haddii EEbbe iyo awoodihiisa laga hadlayo, waxaa waajib ah in aan lagu deg-degin, oo laga fiirsado dulucda iyo xigmadda ku hoos jirta heestan, si aan denbi uga iman. Waayo qofka ay ku cusub tahay, ama aan xog hore ka hayni wuxuu u arki karaa, ama u dareemi karaa wax sahlan ama fudud, Sifaha iyo dulucda tixdan ku lammaani, runtii aad bay u qoto dheer yihiin. Waxa aannu ku rajo weyn nahay, in haddii EEbbe idmo, aan mar kale halkan raacin doonno sifaha iyo beyd kasta ujeeddadiisa - (hadba sidii suurto-gal ah), annaga oo wixii adkaadana Abwaanka la kaashan doonna INSHA ALLAAH.I Hal-ahaade, Halnimadiisa Iyo halkiisa, Hal ku-ahaade, Halnimadiisa, Iyo halkiisa Hal ma-ahaade, Hal kaga-yeele Hal ku-ahaade. II Hal-abuure, Hal ka-abuure Halal ka-abuure, Sii-halaleeye Kala hal-yeele, Hal ku-abuure Hal ma-abuure, Halla ma-abuure Hal ku-ahaade. III Hal isu-waaye, Hal isu-waaga Hal uma-waaye, Hal-labaleyda Laba-halleyda, u hal-haleeye Hal-samihiisa, Ma hal-haleeye Hal ku-ahaade. IV Hal-ahaade, Halnimadiisa Iyo halkiisa, Hal ku-ogaade Hal la-ogaade, Hal ma-ogaade, Hal hal u sheegtay, Hal uma-sheege Hal ku-ahaade. V Hal-ahaade, Hal ma-ahaade Halal ma-ahaade, Lama-haleeye, Halnimadiisa, Iyo halkiisa Hal hal ku doonay, Hal kuma-gaadhe Hal ku-ahaade. VI Hal-ahaade, Hal ka-haleeye Hal-halaleeye, Halal-haleeye Lama-halaleeye, In halalkiisa Halnimadiisa, Hal kaga-yeele Hal ku-ahaade. VII Hal-ahaade, Hal halleeye Halal halleeye, Halnimadiisa Kuma-halleeye, Hal halkiisa Kuma-halleeye, Hal kama-yeeshe Hal ku-ahaade. VIII Hal-ahaade, Hal-haleeye Hal ma-haloobe, Hal ku-haleeye Hal isu-doore, Hal uga-doore Hal hal u doortay, Halal ugu-doorshe Hal ku-ahaade. IX Hal kama-yaabe, Hal laga yaabo Hal kaga-yaabshe, Hal isu yaabay Hal uga-yaabka, Hal kuma-yeele Hal uma-buuxshe, Halnimadiisa Hal ugu-buuxshe. X Hal-ahaade, Hal ku-labaale Hal ka-ahaade, Halal halalaystay Halalnimadooda, Hal ku ahaaday Halnimadiisa, Hal ugu-yeele Hal ku-ahaade. XI Hal-ahaade, Hal la-ahaade Halal tiradooda, Hal ka-ahaade Halal tirintooda, Hal ku-ahaade Inta hal iyo hal, Isu hal sheegta Hal ka-ahaade. ALLAA MAHAD LEH. Diyaarintii: Dhuux Digaale Dualeh. |
|
|