|
Beeraad Aan baab tusaala ah, ku bireeyo heestee Waxa iga ballaysina, Bismillaahi waa kow Cabdiyow Ba' lagu yiri, Beertii jacaykow Haddii siinki buuq iyo, Barax iyo cindiid dhalay Kaftankeenna baalliyo, Ba'ba aan u rogannee ------------ waynoo baloolley, Lugta bidix ka jaamee Barni iyo Saluugliyo, Basradii Hargaysiyo Burco Saxarladeediyo, Cabdiyow ma beenayn Ballankii Suleekhee, Sed bursiinyo doon baa Beled-weyn i geysoo, Baridaan leggeedii is lahaa ku biirsoo, Waxaan buuxi leeyahay Haantii barwaaqee, Bi'i waaye Qaysow Hawshayda kala quban, Xilka aan u baydnahay -------------------- Barashada xusuusta leh, Ha ka dhigin bar kuma taal Anna baadi hadaftoo, iska badalli roortiyo Hayga dhigin nin biya-dhacay, Sheekada bu'deediyo Baaceeda sii raac, Gunta hoos u sii baar i baxnaani saaxiib Ruuxaad ba'iisiyo, iintiisa baratee Bedenkiyo calooshiyo, kuu baara feedhaha Boogtiisa Qaysow, Lama sii banneeyoo Bacda lagama jeexee, i banbaani saaxiib Beerlula warkeediyo, Buundada korkeediyo Baaxaa deggaygiyo, Kalgacaylka beermiyo Taliyaha i badhi-furay, Berigaas wixii dhacay Bandhiggii nin joogow, Sheekada ka bogatoo Uma baahnid faallee, Adiguba barbaartiyo Bulshadaad la socotoo, Barbar baad ka saarayd Baabuurka dhoofoo, Batarkiyo ciyaartaba Adigaa ka boodee, Cabdiyow baroortuba Ka badh weeye meydkee, Beybeysigaagiyo Beeraadka iga daa. Ragna biime weeyee, Taladii Bir lagu jaro Hadday baydu furatoo, Xarkaheedu buubaan Lama baraq nuglaadoo, Bishmahaaga Qaysow Baqe lama qaniinee, Waxa loo bareeraa Biyo dhiijinteedee, Haddaad bayr ka leedahay Biyo jira kashaadiyo, Buro adiga kugu taal Boholiina lagu dhacay, ma bir baynu xirannaa. Iska buuqi maayoo, Bulxanka iyo qayladu wax bilaasha maahee, Beesheenna weyn baan ku baxaan baxaayoo, Hadba dhinac ka booqdaa Hablaheenna biligdiyo, Bilic lagu majeertee loo soohay Baarkaa, Timahaa ka badannoo iyagaan bad iyo webi, Ugu baaqayaayoo Anna biligta laafyaha, Baxsanaanta jaahaan ku baraarugaayoo, Hadba tii i baabtee ----------- Boholyow i gelisaan, Kalgacaylka Boodhari ku bariidiyaayoo, Boogaha jacaylkaan siiyaa barkeedee, waxa kuu bushaaraa Berritana Jamaamiyo, Baar-Dheere iga eeg Ido boqol kun gaaroo, Barqanaaya Doog baan Hadba baal u rogayaa, Bahalaha ka ridayaa --------------- Barkan maayo gacantoo, Baashaali maayee Cabdiyow bal ila soco. Aan baab gunaanada, Ku bisleeyo heestee waadigan Ba' iyo Siin, Labadaba bilkeedee anna baadi doonkiyo, Budulkaan ku joogaa Belo way danbaysaa, Ha is boobin saaxiib |
|
|