Nasteexoy haddaad tiri ammaan, nugusa soo meeri
naruuriyo inaad waalidkaa, nuunnahood tahaye
araggooda nuurkiis tihiyo, udugya neecawba
Eebbaheen Nasiir baa Qur'aan, nuura ku caddeeyey
ee hoo nasteexoy akhbaar,
iga nudo waxaad iga rabtiyo,
--------------0-----------------
Nolol qoys markii laga hadliyo, ubad la naashnaasho
abtigay cabdiraxmaan nur iyo, niman asaaggiiya baabka naxariista
ama hooyo nimca saynab oo, naagu ka horraysey
labo waalid oo naaxintiyo, nabad ku gaareysey
fili mayo nin sheegaya inuu, berigi noolaaye
ogow taa nasteexoy marnaba, beenu nool ma lehe
--------0---------
Nin wanaagsanaa wuu jiroo, naagu tiicidaye
naag wanaagsanina way jirtoo, nacas lug gooyaahe
balse labo nashaad wada lahoo, wada naruuraysan
naxariis la mida maanan arag, nooci birigaaye
ogow taa nasteexoy marnaba, beenu nool ma lehe
----------------0---------------
Nasteexoy Nimcoy
gabaryahay nagaadiga janniyo, naallo lagu siiye
hayeeshee nasteexoy abtigay, naazil uga guurye
eeddo saynab naaskeedi aad, shalayto nuugeysay
nafta raaxadeedaad ahayd, nuunnanimadiiye
nalkeediyo iftiin baad ahayd, BIXIYA NEECAAWE ---------------
in kastoo ninkii toban quruun, nolola soo joogey
ee nabiyadii soo arkiyo, ciise iyo nuuxba
waalidkiisi nuunnuu u yahay, nuuga weli naase
sidaasaad nasteexoy adigu, naasa nuug tahaye
adigay dartaa niiqantoo, galay nusqaan weyne
ha illoobin nabarkey dartaa, tabar nuxuusaysey
cisho noolba naaskaad jaqdaa, naban agtaadaaye hareertaada
dhab u fiiri nuurkiisa iyo, nimca wanaaggiisi
ha illoobin nabarkey dartaa, tabar nuxuuseysay!
oy foosha naanaabtay oo, dhididku naafeeyey
naabadi faruuryaha ku tiil, Quwaddi naafowday
Qandhadii ka nuunaasisee, Nadow ku beeraysey
ee duni nagaadiga dambiyo, Nolol ka quusaysey
goortaad sidii nayshi aad, naa'da ku billawday
farxaddii ka soo naasishee, nabar illowsiiday
xildhibaan nuwaabay sidiis, farax la soo nuurtay
nasteexadii cabdiraxmaan adeer, nuunka magacaagu
naruuriyo wanaag ba u ahaa, neefsashiyo raaxo
iyadaa ku naashnaashtayoo, -----------------
adigoo nafaystoo hurdiyo, raaxo ka nibdaaday
un baad nayl sideedii haddana, Naa' di ku billowday
kuma ay nagaan jiifki oo, naw ka soo tiriye
waan noogay kuma ay orayn, daal ku naaqusaye
nasashada intay meel tagtana, noogay may dhihine
horey naaski kaa siisay iyo, caano naxariise
markii aad ka naaxdee hurdada, aad ka soo noqoto, naaxdaba hrda aad ku noqonaysey
nusu saace jiif oysan ledin, nooggi weli haayo
ha illoobin nabarkey dartaa, tabar nuxuuseysey!
ha illoobin nasteexoy dartaa, waxay u naafowday!
naxariist
bal xannaan nugaylkeeda eeg, naacimnimadeeda
dartaa bay nuglaatoo --------------
naaskaad ka nuugtiyo dushey, kugu nibdaadeysay
nageyliyo New york
muuqaagu nuur iyo u yahay, nal an demeyn waana
cabdiraxmaan aabbahaa nuunnihiis tahaye
inad duco u noodnoodisood, n
haddii diintu kuu nuurto ee, naasir ku hanuunsho
tanya naaski aad nuugtay baad, negi xusuuseehe
xusuusnaw nasteexoy dartaa, inay u naafowday nuunaastay
waan noogay kuma ay dhaheyn, ----------
ninkii aan caqlini naaxil buu, daba nashleeyaaye
nacallaa ku taal ee ibliis, hawgu nacamlaynin
nijaas weeye oo waxa xun buu, kugu naceeyaaye
inad hooyadaa naaqustood,
ka fogow nabsiga raaga iyo, hooyo nidarkeeda
naqya doog nagaadiyo halkii, naallo lagu sheego
ninkii khayr leh uun baa wanaag, laga niyeystaaye
niyuu yoork nugaal iyo kulay, tahayna nayroobi
nasiiniyo nasteexiyo halkay, naruro ay taallo
nasiinadu halkay allaa, naafac garanaaye
waa nooca qaybkoo
Nasiir baa garaa oo Alley, nacam u taallaaye
Ducadeeda bay uun nimciyo, naallo daba taale
ka nafayso maantay nimciyo, hooyo nooshahaye
in kastood mar hore nuugmadii, naaska ka abaadday
haddii naaski caanugu gureed, nuunnannimo dhaaftay
waxad weli ka nuugee midaan, naaficiis go'ine
ka nafaysta maantay nimciyo, hooyo nooshahaye.
naadir weeye ruux hooda laa- - - -, hela nasiibkaase
nuxurkiyo naxwihii maansadaan, kuu nashirayaaye
ka nafayso ruux hooda laa, hela nasiibkaase
Nuqul weeye noloshaan adduun, koobbi nacamlaahe
Naf kastaa waxay naawishaa, loo nuxuriyaaye
Nasiib maleh qofkaan waalidkii duco ka nuursayne
naartuu ku naanaabi oo, lagu nishaabaaye
ka nafaysta maantay nimciyo, hooyo nooshahaye.
hooyadaana nimca saynabaan, naagu ka horraynin
naanaabyey hooyadi qofaan, nugul u muujayne
---------------------
Max'ed Cabdi
aamaguul@hotmail.co.uk
Naazi waa gabay ka hadlaaya John Bolton, sifiirka Maraykanka u fadhiya Qaramada Midoobay,
iyo dadaalkiisii fashilmay ee uu in badan ku doonayay in la meelmariyo qaraar ogolaanaya in
Soomaaliya Ciidammo Afrikaan ah la geeyo. Waxaa loo sheegay in uusan sii wadi doonin shaqada
uu hadda hayo. Markaas ayaan tiriyay Naazi. Wuxuu yidhi:
- Nifaaq ruux bartaa laguma karo, naahiyada daaye
- Asagood Namruudkii kibriyo, nooci Lahab mooddo
- Kuwii shalay nacaalka u gashaa, maanta naasilaye
- Nasri bay dadkaygana u tahay, naadadaa timide
- Anna gabay inaan naawilaa, nuunku ii qabaye
- Naruuro iyo soo deeq Illaah, nagu nimcayn maaha
- Soomaalida in badan buu nebaa, Naazigaa tagaye
- Waa nacas awood yeeshay iyo, xaasid aan nixine
- Dhaaxuu nacfigii aan lahayn, NOO ku duudsiyaye
- Nabsi kama baqayn iyo inkaar, soo noqnoqotaaye
- Bal inuu nasiib daran yahoo, naaqus yahay ruuxu
- Ama uu Naftiisaba hafroo, been naxli ah sheegay
- Goormaan nidaam iyo bulshada, nabad u waydiinnay?
- Goormaan Nasaariyo carrada, Naato ugu yeedhnay?
- Goormaan nijaasiyo Axmaar, naaso wada maallay?
Fure:
Lahab: Abuu Lahab
Nacaal: kabo
Naahiya: wax Illaahay reebay oo iska daaya dadka faray
Nacdaro: nacayb saa'ida
Naado: bishaaro, ogaysiis
NOO: diidmo
Namiimiye
Camanje Yogol Furre
Camanje Yogol wuxuu ahaa gabayaa muctarif ah oo tixihiisu ku baaheen aadna looga xiiseeyo dhammaan degaanada Soomaalida Galbeed, kuwa Waqooyi iyo inta la ollaga ah. Sidoo kale Camanje wuxuu ahaa aftahan geed-ka-hadal, nin kaftan badan oo ragga ay isu gabyaan kaftan kale oo caadi ahi u dhexeeyo iyo nin miyi iyo magaalaba ku dhaqan oo labada nololoodba ehel u ah.
Marbay waxay kaftameen niman reer bari ah oo askar Talyaani ahaa oo Jigjiga yimid xilliggii Talyanku Itoobiya qabsaday. Kaftankii hadalka caadiga ahaa ayaa gadaal mid gabay isu rogoy. Camanje nimankii gabay kulul ayuu u mariyey, waxaana gabaygaa naga soo gaadhay meerisyadan hoose. Wuxuu yidhi:
Namiimnimo Majeerteen miyaan wali ka niibkeenin
Ma nifaaqii oo buuxiyuu xalayto nooleeyey
Naxliga iyo nuxuustii miyaa naari soo kiciyey
Nasri miyuu ka sugi Eebahay saw ma nici doono
Iyagiyo Namruud saw Janadu kama nijaasoobin
Nayroobi iyo Xamar horraad nag uga siiseene
Dhulbahantaa naflaha kuugu xigga nabadse kaa waaye
Warsangalina nabarkaad barteen nadigu iimeeye
Adduunkii nagaa idinka iyo naagahaa rogaye
Nasabkiinu meel buu ahaa nuridu waa iine
Nacallaa Majeerteen ku yaal nolol ma haystaane
Waxaan u malayn in odayga laga xanaajiyey kolka uu gabaygan marinayey.
Xirsiyow Naaqusnimo
May 10, 2014Suugaan, Uncategorized
Gabayganu wuxuu ka mid yahay gabayadii badnaa ee laga mariyey geelii Daboolane. Niman ergo ah oo geela daba socda, madaxna uu u yahay Xirsi Kooshin, waraaqna ka sida Ingiriiska iyo nimankii geela lahaa oo wada jir ugu soo dhiibay, ayaa xarunta yimid, wax badan bay ku doodeen in geela looo celiyo/ Hase ahaatee, taa Sayidku waa diiday. Gabaygan waa go’aankii geel ugu dambeeyay oo uu diiddana ku caddeystay. Xujo wuxuu uga dhigay, inay dadkaasu gaala-raac noqdeen, wuxuuna yiri:
Xirsow1 naaqusnimo waa waxaad, niiq la leedahaye
Naxar lagu shid waa jaahil iyo, nararacdiisiiye
Noy baad tihiin aan qalbiga, nuurka loo geline
Naasilo xun baa lagu yaqaan, nimanka Iiddooree
Wax ka niiqsan toban jeer kuwii, naaqurka lahaaye
Nasab haddaad tihiin gaaladaad, nici lahaydeene
Naxli baad ka dhigateen, halkaan narriga lahaaye
Nasteexadu waxay idinla tahay, naafacaan jirine
Ka nacawdu shaydaamadaad, nacam tiraahdeene
Naar-quutayaal iyo kufraad, Nebiyo mooddeene
Naarta waxaa idinku guri, nibirayaashiiye
Nasaarada waxaw taabacdeen, waa najuusnimo e
Naagow tihiin ferenjigii, noloshka dheeraaye
Nacalluhu kuwuu fuulay baad, daba nushlaysaane
Naamuuskiin wuxuu jabay markaad, nacabka raacdeene
Nacastooyo waataad dorraad, igula niiqdeene
Waxay naafay waa adinkiyo, nabarradiina e
Nafta igama goyseen haddaad, iga naxaysaane
Nasrigaan ku cayntaye tolnimo, iguma noolayne
Naxariista Eebbaan ku belay, naallo iyo khayre
Nabsaa idinka soo riday xaqaad, nugux ka siiseene
Geelaan naawilaayee sidii, naqa u eegaayey
Aan naalladuu diraye markaad, bogox ku nowsiisay
Oo aan nayaayiray markay, noobir soo hoyatay
Anigaba wax badan baad nurli’i, igu nacdiirteene
Wax badan baad nicmada Eebbehay, ila necbaateene
Wax badan baad nijaasiyo darxumo, igu nadiirteene
Naanaa weeye maantaad wanaag, iga niyeysaane
Nasteexiyo heshiis iyo horaad, nabad u diiddeene
Sidow soo naqaa hadal xun, baad igu nabaysaane!
Gabaygan waa gabayadii Siciid Maydh qoray muddo fog intay Daraawiishi dhaqnayd, Cabdullaahi Qarshe ayaa keenay 1957kii.
1.Xirsi: Xirsi Kooshin ama Xirsi Axmed Amaan.
Hadaan waayay calan leey nashiro tan iyo Nairobi,
Miyaan waayay maamuus janniyo daalac iyo naasil,
Hadaan waayay ciidoon naqliyo inaan nugaal daaqo,
Miyaan waayey neef an xarmada naalo ugu fuulo,
Hadaan waayay ruux iga naxa oo nasabad sheegta,
Miyaan waayay naxariis alle iyo Nebiga jaahisa (csw)
By: Sayid Maxamed Cabdule Xassan
NIN WALOWBA NOLOSHAADA DHAWR NABADA WEEYAANE:
Nasteex badan Haweenkaa falay, kuna negaateene
Naasigu intii uu dhacay, inagu gawdiidey
Nadallada nidaam lagu heliyo, negida mooyaane
Naxariista guud iyo nacfiga, cidi ku noolaato
Naas irmaan ayuun buu ahaa, la is ka nuugaaye
Nolosha iyo sida ay u taal, nabadda qaabkeeda
Naadir weeye ruux garan karaa, nooca ay tahaye
Nin kastaana sidii ay latahay, wuu naqdinayaaye
Niskii dhexe mar aan xalay niyada, nabar la faalooday
Naxwaha iyo markii aan dhexgalay, nuxurka suugaanta
Naska iyo shareecadana aan, nuqullo eeg-eegay
Nedka nolosha seeskeeda qudhi, nabadda weeyaane
Ninkii aan ogaynow sidaa, wax u daliilkiiya
Neecaw udgoon iyo nusuus, naq iyo ray-rayn leh
Nimco sheexday niro toosan iyo, neged barwaaqaysan
Nacab iyo nusqaanaa leh inan, lagu nagaanaynin
Ninkastoo caqlili wuu ogyahay, nabad la'aanteede
Naxli laysku gaystiyo colaad, gacal ku naafoobay
Nacayb iyo nacey reebtay iyo, nabarro sii muuqda
Nidaam lagu dabiibiyo nasrigu, nabadda weeyaane
Nin walowba noloshaada dhawr, nabadda weeyaane,
Nin colaadi haysaa ma-ledo nabad la’aanteede
Naaxi maayo ruux barakacay nabad la’aanteede
Nuujin mayso hooyadu ilmaha nabad la’aanteede
Nin walowba noloshaada dhawr nabada weeyaane,
Negaan maayo noolaha qalbigu nabad la’aanteede
Nina aamin kuma seexan karo nabad la’aanteede
Nafis iyo xarago way fogtahay nabad la’aanteede
Nin walowba noloshaada dhawr nabada weeyaane,
Nidaam maamul lama gaadhi karo nabad la’aanteede
Naf xuquuq helaysaan jirayn nabad la’aanteede
Nina ceel horwayn umatubeen nabad la’aanteede
Nin walowba noloshaada dhawr nabada weeyaane,
Nina xoriyad kuma faani karo nabad la’aanteede
Nin cadaalad helayaa majiro nabad la’aanteede
Nina Baayac-moshtori muu noqdeen nabad la’aanteede
Nin walowba noloshaada dhawr nabada weeyaane,
Nina ubad Iskuul uma dhigteen nabad la’aanteede
Nina dabaqyo sare muu dhisteen nabad la’aanteede
Nina siyaasad kuma loolameen nabad la’aanteede
Nin walowba noloshaada dhawr nabada weeyaane,
Nin jeclaada Gabadh baan jirayn nabad la’aanteede
Naaruuriyo dhaqaalaan jirayn nabad la’aanteede
Nuxusbay colaaduhu dhalaan nabad la’aanteede
Nin walowba noloshaada dhawr nabada weeyaane,
Ninkii aan ogaynow sidaa waxa u daliilkii ah
Neecaw udgoon iyo nusuus naq iyo ray-rayn leh
Nimco sheexday niro toosaniyo neged barwaaqaysan
Nacab iyo nusqaana leh inaan lagu nagaanaynin
Nin kastoo caqlili wuu ogyahay nabad la’aanteede
Nin walowba noloshaada dhawr nabada weeyaane,
Naxli laysku gaystiyo colaad gacal ku naafoobay
Nacayb iyo nacbadan reebtay iyo nabaro siimuuqda
Nidaam lagu dabiibiyo nasrigu nabada weeyaane
Nin walowba noloshaada dhawr nabada weeyaane
- See more at: http://somalilandlive.com/articles/1193/GABAY-LA-YIDHAAHDO-aoeNIN-WALOWBA-NOLOSHAADA-DHAWR-NABADA-WEEYAANEa#sthash.2MNogBcs.dpuf
|