DOCDA IYO JUFADA 11-01-2008 |
Maansada DOCDA & JUFADA waxan ka tiriyey markaan arkay Xeer ku sheegga ay odayaal ku sheegga soomaalidu dadkooda ku maamulaan oo Dulum & Akhlaaq xumo ku dhisan, waxaadna arkaysaa Nin intuu khamro kasoo dhergay dadka laynaya oo intuu dukaammada iyo goobaha ganacsiga tago alaabtii & badeecadiiba qarbudaya oo miisaska jejebinaya oo markii la iska celi maagana dadka meesha taagan kugu oranayaan walaal iska daa wax ma kala oga oo waa saqraane isna markuu sidaa maqloba kibir ka sii qaado oo uuba meherad ka dhigtoo dadka baad ka qaato illeen iskama celin karaan oo garab sheydaan buu helayaaye. waxaa kaloon ku arkay tuulo ama magaalo weyn oo aanan magaceeda halkan ku sheegayn Nin ama dhawr nin oo kala duwan oo iska caadiya oo haddii gaari ordayaa ku yimaado ka weecanaya, oo cuntdiisa qalqaalsada, dadka magaaladaas degganna aan la hadlayn balse markii dad musaafura yimaadaan dhiba oo intuu middi ula soo baxo baad ka qaata illeen dadka musaafurka ahi sida badan diyaar uma aha inay dagaal galaan oo waxay is leeyihiin balaayo helahaan ha ku dhaafo kolley galabtaad ka carrabaysaa meeshane, xitaa waxaa la ii sheegay inuu Ninkaasi gabdhaha Magaalada deggan habeenkii intuu meel madow ku jiito kufsado oo uu waxyaabo saqajaannimo kalena kula kaco oo markuu dadntiisii ka gaaro uu Liin dhanaan Jeebka ugu jirtey Gabadhii Cawradeedii ku dhiijiyo..iyo waxyaabo kale oo aad ka yaqyaqsanayso haddii aadan odayaasha noocaas ah oo kale ahayn, waxa kaloon arkay koox shufto ah oo isbaaro u taallo waddo cidla ah oo maalin walba dadka dhaca, dila, kufsada, caanna ka noqday dhulkaa isaga ah. waxase dhacday in maalin laba baabuur oo safar ahi ku heshiiyeen inaanay maanta bixin Karin lacagtii baadda ahayd oo aanay haysan, sidaa darteedna ay is difaac Safarkaan waddada ku maraan, kaddibna dagaal dhex maray tuugadii oo soo weerartay iyo iyagii buu Hooggaamiyihii tuugada u weynaa ku baqtiyey, kddibna Odayaal ka socda Beeshuu ka dhashay baa Diyo u soo safatay, iyagoo weliba ku hanjabaya haddii aan la siin inay aarsan doonaan, hase yeeshee labadii beelood ee kale halkii ay ka oran lahaayeen ma tuug horay noo laayey haddana la dili gaaray ee ilaahay naga difaacay baad diyo nooga doonaysaan, labadoodii baa Dhexdoodii ku kala jabay idinkaa xabbadda tuugga ku dhacday lahaa & idinkaa lahaa, kaddibna anigoo arrintaa la yaabban baan Odayaashii ku iri, sidee baad idinkii walaalaha ahaa isugu nacaysaan tuug aad iska difaacdeen markay jawaab i siin waayeen baa wiil yari hoosta iiga baaqay oo yiri ma dhihi karaanoo iyagaa diyadanaoo kale qaadan jirey, calaa kulli xaal waxan maansan DOCDA & JUFADA oo soo baxday 11-01-2008 ku muujinayaa inay tahay halka ay ka timid dhibaatada Maanta Soomaalida haysata, waxayna ahayd sida tan:- Somaalida waxaa dooriyoo, sidan u diihaalshey qaxa iyo dagaaggana badiyo, Darayadaa haysa guryahey dekeysteen ka diray, kana dalaabaaya (Maalin duhurkiiya.) oo midan u diirnixin innaba, sacabbadow doogay u dujiyey Dareemiyo Dulweyn, Duurka gudihiisa oo Halaq u daaqaayoo, Deeqdi uga yeelay oo Laylki daadduminayaan, idin dareensiine. Qabiil baa ka duugoo indhihi, Nuurki ka daboolay marka aad la doodayso eed, Deel ka dhaadhicini eed inu ku soo deyahayiyo, Dirito moodeyso Isha uu dabaa iyo Dibnaha, xoog u diriraaya Docda iyo jufada aad tahuu, kala dabaynaaye ha u qabin inu Dawga wacan, kula diyaaraayo. intuu Daarta wacan joogey iyo, Nabadda Dayrkeeda Dulmiguu u kaalmeyn jiraan, qaar ka daakhiliye Qofka Kibirku daysane ka dhigay, fala wuxuu doono ee muuqa Duulkii arkaa, uga duceysaayey waa Ruux Bugtadu dilatayoo, diidi bay orane Dembiguu sameeyana marnaha, looma daba raaco isna Darar ka sii qaadi jirey, sii dabeyshaniye Daroogada midkii duubta ee, Maan is-doorinaya hadduu Dhagax ku duurduuro ee, Ili ku soo duusho Marqaatiga dadkii furi lahaa, ee Duddada joogey baa kugula duufoo adiga, Doodna kugu keena haddii uu Dareen huunno jiro, waxan ma duubteene Dembi maleh Saqraan daahan oo, Dadaba weeyaane Daqarkaaga dhayo oo Dawada, adigu doondoono insa kibirka sii daaqi jirey, sii dabaalaniye Qaaddadana sii daranayaa, wixi damaadaaya. Haddii aan dayeen sii dayeen, aad u daawadayna Laba Daaw mid uun bay Carada, Talo ku doorsiine Darandoorri inad doonatoodd, Dhawr Qof uga duubto iyo inad Dayuus noqotid oo, Duul ku wada eegto wax ka duwan ayaa ii hayoon, Duco u dhaafshaana? Duulka saa jideeyaan Su'aal, Daraya weydiine Ruux Marada duubsaaya oo, cuna Dacaamkiisa oo Dariiqa uga weecda waxa, Daanka jebinaaya oon Hadalka Deel kaa qaldeyn, Dulucda haasaawga Socotana dulmaa oo wixii, Dumara roorsaaya oo Duqowda tiisaahi ay, kugu dardaarmayso Jin ayaa dardaray wiilkannaga, Dogobyadaas jooga oo hadduu ku dilo Ruux ma jiro, kaa damiinaniye Daqarkaaga dhayo oo dawada, adigu doondoono haddii ay ku dubateed tagtana, Doodi maba taallo oo waa Dijaal kugu tuntiyo, Bahalki Doofaarka balse waxa Digniin naga ahood, gelini Diiwaanka adigoys difaacaa haddey, Daanna yari gaarto ogow inad Diktoor naga dishood, Diyo na siinayso ! Anigoo dirgaa oo haddana, Caro la diidaaya baan Degel Bajeelaad dhacdadi, dib u xusuustaaye Dariiq ay jareen Tuugo Beri, Dooxato u joogtey oo Degelka laga wada ogaa, taniyo Duumaale oo dhawr Dagaal qaadday oo, Dumarka xoogaysey oo Sahayda diiraysey oo, Dilalna geyseydey Duul soo safrey weerareen, Maalin Duhurkiiya Safarkiina uu galay difaac, Jilibka uu duugtay Dulmilow Allaa dooriyoo, kalana daadaahe Burcaddii mid baa daayey oo, Ruuxu dabayeystay dabadeed Duqey kaamiloo, Beel u wada duuban ayaa Diyo u soo safatay oo, daayna ku hinraagtay Anumbaa damqaa oo Dhaqaaq, igu dambeeyaahe Docdi kale kamey diirinoo, maba dareensaynin oo dooxataan dilniyo taan, Daadifeyn sugayey iyageys duqeeyoo Jilbiyo, daan u kala booday maan dilin adaa diley ayey, Hoos isugu daabtay Bal maxaa ka duufshoy u oran, sidan daliilaayo duqeeyahay u soo duushay waxay, Diintu naga reebtay Afar baad ka doorani middii, Adigu aad dooni Qaaddicul Dariiq baan diliyo, Ruux i dili gaarey Diyo aan baxshee wuxu diliyo, deymo hore keena kii i dilaya waan dili ogow, Diyana waan dhiibi Saddexdaa haddaad diiddidood, Dawna mari weyso aan Dariiqa kala goosannoon, Daan u kala joogno Dullinnimose qaatoo waxay, Doodi ku idlaatay Mar kastoon Dariiqaas maroon, Dano ka soo yeesho kii i dila i diiraaya ee, Dumarkaa xoogaaya dili mayo haddii aan dilana, qaata diyadiisa Anigoo dirgaayoo si uun, ula dagaalaaya midaa hoosta iigaga digoo, yiri Duqeydaani horey bey u doogteen Gacmaha, Dilal sidoodaasa mana laha docey uga baxaan, Dawga lagu keenay war hadduu Nin Daalima Jidkiyo, Daawga iga gooyo marka uu i dilo aan Diyada, Cidi ka doonaynin oo waa Dabley waxa diliyo, Tuugo lagu daayi Anigoys difaacaa haddaan, Meel yar ka daliigo Qabiil weyni soo duulayoo, Diyo i weydiini haddii kale dad baan laayi uu, Dood ka dhiganaayo Caammada dirkeed waan arkaa, Qoray la duulkaaye Culummadi maxaa daaray oo, Doobta uga taagan mise Been ayey noo diraan, Duhur salaadeedka oo Shilin ayaa uga darraa, Diinta amarkeeda? Doc kalaan u rogi oo Qisada, waan deldelayaaye Duqeydaan dhammaanteed su'aal, daraya weydiine ninna Dhagax Dixeed kama imaan, Dooyo iyo Hawde Dulmigaa Dulmiga sii dhalee, Dulumyo sii dhaafay Danta aad ka leedahay haddaan, Qaar ka dacaleeyo Araggiyo Dibniyo Dhego inuu, korey Dabool wayni oo Daa'im Naaraha u yaal, Hoos laguu dirayo iyo inad Dagaal doone tahay, Dhiig un daadinaya Bac-madow la duulayso ood, Biil ka dayaneyso Labadaa Dariiq oon midnaba, naar ka deganeynin sow diyaar uma aha Duqey, Reer Dagaal huriye Diimahana taad haysatiin, soo daliiliyana ? --------------------- Max'ed Cabdi aamaguul@hotmail.co.uk |
© All Rights Reserved aamaguul.com | Contact: webmaster@aamaguul.com | Designed by Mhmd aamaguul.