Eeedadey xaliimaay xiddigtii dhulkeennaay
inta ay xayaatadu xididdada dhaqaajee
ee adi xidhkaagiyo xeradaada yimid baa
waxay kugu xusuustaan martidood xurmaydiyo
qaraabada xiriirkeed.

Maansadan Xaliimaa Ballaysay oo soo baxday 15-06-2007 waxay ku timid markii aan arkay eeddadey Xaliima Axmed Mud Farax Afrx, halkeedana ka sii wad:

Soomaali xeerliyo dooxadaan xamxamtiyo

la xadraysa maanaa ee kii xujoobee

an xajiinta laga rogin iyo beer xagaafiyo

kii xoolo dhaqataa intuu xaaluf haystee

abaaruhu xiraayaan xuurteeda mooyee

markay roobka xiimiyo mahiigaanka xoogga leh

xoortiisa maalaan bay is xaasidaanoo

qof kastaa xaqiisuu xumo uu u diidiye

inta kalese xaaqdiyo xabaalaha qabuurtuu

la rabaa xaggoodee.

Eeddadey xaliimaay xaawaley dhexdeediyo

xasanley ha joogtee xiddigtii dhulkeediyo

xeebihii galbeedaay.

Inan xarafka maansaad xididkiisa aan qoro

waxa igu xambaaroo igu sii xaraadiyey

ummaddaas xujeysane xamar baallihiisiyo

xarardheere joogtoo xasuuqaysa maatida

in yaroo xakiim lahoo faro ay xisaabaan

mooyee xanaaqsanoo xusul duubka ugu jira

xoolo ay lahayn iyo xaaraanta cuniddeed

yaan yaabka xoolkiyo galay xaafaddiisoo

ruux ku xaasidaayoo ubadkaaga ximayoo

xumahaaga sheeegoo ku xamaaya waayee

Eeddadey xaliimaay, xasanaadka khayrikiyo
wanaaggaaga xiiso leh ma xisaabi karayee

aan mid uun xariiree xudduud waxad maraysaa

inay xaawallayduba foosha ay xakaaraan

hadday gabari xaystoo xamdi loogu magac daro

ay ugu xiddeeyaan faan ugu xinneeyaan

xaliimaa Ballaysoo xumaan mayso gabadhani.

Xaaladdaa darteed baan xoolo aan ku siiyaa

gudi karin xaqaagee xakiimkey ilaahay

xayyi waxan ka tuugaa inuu xiiq adduunyiyo

xanuun kaa ilaalshaa oo xuudka jira iyo

belo kaa xijaabaa.

Berritona xisaabtiyo xananlow siraadkiyo

kaa xoreeyo naartoo xariirtii firdawsiyo

ku xashaashto raaxadi ood xabiibka Nabigiyo

xertii meel la joogtiyo xigtadiisa jannadiyo

xuural caynti kugu daro.

AAMMIIN AAMMIIN